#لا_لتطبيع_العنف_الرقمي | الحسابات الـFake بقت أداة للعنف الرقمى
في الفترة الأخيرة، زاد انتشار الحسابات الوهمية والحسابات اللي بتخفي هوية أصحابها، وبقى كتير منها بيتستخدم في الإساءة، والتشهير، والتنمر والإساءة والهجوم على الغير.
المشكلة مش في استخدام اسم مستعار أو قفل الحساب علشان الخصوصية، لكن في استغلال الخاصية دى علشان الأذى. وخصوصا إن أغلب الإساءة والتنمر بقت من حسابات مزيفة أو مقفولة.
العنف الرقمي من خلال الحسابات الوهمية مش هينتهي، لكن نقدر نقلل تأثيره.
⭕️ ما تدخلوش في جدال مع الحسابات اللي هدفها الاستفزاز
⭕️ اعملوا ريبورت للحسابات المزيفة
⭕️ اعملوا لهم بلوك
⭕️ راجعوا إعدادات الخصوصية في حساباتكم، وشوفوا مين يقدر يعلق أو يبعت لكم مسيدج أو يشوف بياناتكم الشخصية.
⭕️ والأهم… ما نتعاملش مع الإساءة من حساب مزيف على إنها حاجة عادية أو “دي طبيعة السوشيال ميديا”.
